تجربة الطلب من موقع كايلي جينر

الهوس الجديد في عالم المكياج هو أرواج ولب قلوسات كايلي جينر! هي نزلت كذا كوليكشن على موقعها وخلال دقائق تخلص الكميه وبسرعه فائقه جداً

سعر الروج 29$ تقريباً 108.75 SAR بدون شحن ويجيك بعلبه بيضاء الروج السائل 

ومعه محدد

سعر الشحن المباشر تقريباً 14$ ويشحن عالبريد السعودي فيطول لين يوصلك ولازم تكتبين عنوانك بالضبط مثل ما تم توفيره لك من قبل البريد السعودي - لمزيد من المعلومات حول العنوان ارجعي لكتابي التسوق عبر الإنترنت -

توصلك الطلبيه بعلبة كايلي ومعها بطاقه موقعه منها.. صراحه التغليف جميل جداً 

المحدد جودته عاليه جداً وثابت والروج حلو بعد لكن شخصياً أعجبتني المحددات أكثر

هذه نصائح للي حابه تجرب المره القادمه وتشتري الروج من موقع كايلي كوسميتكس

1- استعدي قبل الزحمه

كايلي تحاول تخفي معلومات وتاريخ نزول الكوليكشن إلى أكبر قدر لكنها تعلن عن التاريخ في التطبيق حقها.. تكلفة التطبيق دولارين في الشهر.. حملي التطبيق وتابعيه عشان تعرفين تاريخ نزول الكوليكشن.

رابط تحميل التطبيق في Apple Itunes

رابط تحميل التطبيق في Androids Playstore

وأنصحك تستخدمين خاصية الAuto Fill وهي انك تكتبين عنوانك في أمازون أو أي موقع تسوق ثاني فلما تجين تكتبين المعلومات في موقع كايلي تتعبأ أوتوماتيكياً وبسرعه وما تضيعين وقت وإنت تنسخينها أو تحاولين تكتبينها من الصفر.

2- خططي مشترياتك

في أول ثواني تدخلين الموقع راح تلقين بعض الألوان مخلصه مثلاً اخر كوليكشن أول ما دخلت لقيت الأحمر (ميري جو) والبني (ترو براون) منتهيه تماماً فبسرعه ركزت على المنتجات المتوفره وحاولت اخذ أهم الألوان بالنسبه لي قبل ما تخلص.

يسمح لك بإضافة ثلاثة حبات فقط من كل لون وهذه معلومه مهمه جداً فلا تاخذين أكثر ولما توصلين للتشيك أوت يجبرك ترجعين وتغيرين الكميه وخلال هالوقت ممكن تنفذ الكميه.

3- لا تسوين ريفريش كثير

لما تضغطين على رابط في الموقع ويطول وهو يحمل نتيجة للعدد المهول من المتسوقات في الموقع لا تضغطين ريفريش كل شوي وتحاولين تستعجلين لأن هذا راح يأخر تحميل المعلومات

4- لا تضغطين على رابط المنتج أو الإضافه كثير

إذا أضفت المنتج وطول شوي وهو يحمل لا تضغطين على رابط المنتج أو Add to cart كثير لأن هذا راح يعطلك أكثر

5- خلك صبوره

لما توصلين لصفحة "Your Order Is Processing" خلك صبوره يطول النظام شوي لين يوصلك لصفحة الشحن والدفع

بإذن الله المره الجايه مخططه للأرواج الميتالك وراح أعرض تجربتي للتسوق كامله على سناب تشات Lubnaalsultaan

وأهم شيء إذا ما قدرت تحصلين الأرواج ومره حابتهم تذكري في بدائل شبيهه ورخيصه ومتوفره بشكل دائم! بكتب عنها تدوينها قريب!

أو في حسابات محليه تبيعهم لك مثل www.sophiescloset.com

@poutiquee