LED Rejuvenatiton Facial Mask قناع الوجه الضوئي

البوست اليوم بيكون ريفيو عن الماسك الضوئي الشهير وانطباعي الاولي عنه ، ماسك بروجكت بيوتي اشتهر في الفتره الأخيره خاصه بعد استخدام عدد من المشاهير له وتحدث عدد من المدونات الأجنبيات عنه واكيد سمعتو انه اختيار نجمات هوليود الاول !

المنتج يوعدك:

1- يساهم في تحفيز البشره على انتاج الكولاجين 

2- يشد البشره 

3- يسكر المسامات ويقللها

4- يصفي البشره من أثر الحبوب والكلف

5- يجدد خلايا البشره

6- نظاره وحيوية البشره

تجربتي:

لي تقريباَ أربعة أشهر أستخدم القناع 3 مرات بالأسبوع لمدة 15 دقيقه وبشرتي تغيرت تغيير جذري.. استمريت على نفس الروتين السابق لبشرتي ولكن أضفت هالقناع لروتين الليل 

الجهاز سهل الإستخدام وما يحتاج بطاريه ولا شحن فقط توصلينه بالكهرب وتستخدمينه 

للمحافظه على الجهاز (لأن سعره غالي ) أنظفه بمسحات كحول بعد كل استخدام واحافظ عليه بعلبته 

في البدايه حرصت أستخدم الضوء الأزرق أكثر شيء لأنه المسؤول عن تصفية البشره وبعدها بدأت أركز على الضوء الأحمر والأخضر 

أستخدم مع الماسك سيروم الكولاجين فقط مره واحده في الأسبوع 

النتيجه:

أول مره أستخدم شيء وألاحظ فرق كبير لهالدرجه بفتره قصيره جداً واستخدام الجهاز جداً ممتع ولكن العنايه بالبشره تحتاج استمراريه ولذلك قررت انتظر شهور قبل الكتابه عنه! بالبدايه كنت أقرأ وأشوف تجارب المدونات الأجانب وأقول يبالغون لكن الجميع لاحظ تغير بشرتي وأنا شخصيا لاحظت نظارة بشرتي خاصه لما ما أحط مكياج 

جداً أنصح فيه : )

وين ممكن تحصلينه:

أنا شريته من أمازون وشفته في عدد من المواقع الأخرى مثل علي بابا لكني ما وثقت لأن الشركه كاتبه انهم يوفرونه بشكل حصري في أمازون

سعره تقريباً 84$ ومنه لون ذهبي أغلى لكن الفرق الوحيد في اللون فإذا ما يهمك اللون خذي القناع الأبيض أرخص

للأسف الجهاز لا يشحن مباشره من أمازون شحنته إلى عنواني في ماي يو اس

بالنسبه للسيروم أول علبه تجيك مع الجهاز لكن إذا خلص ممكن تشترينه من أمازون بتقريباً 35$ ويشحن مباشر للسعوديه ويجيك معه سيروم شد تحت منطقة العين..

لاتنسين الاشتراك بالمدونه ليصلك كل جديد خاصه مع دخول موسم التخفيضات والعروض ..

كونو دائما جميلين متابعاتي الغاليات ♥ ..